გაუქმებისა და თანხის დაბრუნების პოლიტიკა

1. უფასო საცდელი პერიოდი

ფასიანი ტარიფის 14-დღიანი საცდელი პერიოდი უფასოა. თუ გამოწერას მის დასრულებამდე გააუქმებთ, ბარათიდან თანხა არ ჩამოიჭრება. ბარათის შემოწმებისთვის დროებით დაბლოკილი თანხა ავტომატურად ბრუნდება.

2. გაუქმება

გამოწერის გაუქმება ნებისმიერ დროს შეგიძლიათ: ორგანიზაციის გეგმისა — ბილინგის გვერდიდან ან მართვის პანელის პარამეტრებიდან, ინდივიდუალური გეგმისა — ზარების აპის „გეგმების“ გვერდიდან. გაუქმებისთანავე ავტომატური განახლება ჩერდება, წვდომა კი რჩება გადახდილი პერიოდის ბოლომდე.

3. თანხის დაბრუნების 14-დღიანი გარანტია

ნებისმიერი გადახდიდან — საცდელი პერიოდის შემდეგ პირველი ჩამოჭრა თუ განახლება — 14 დღის განმავლობაში მოთხოვნისას ამ გადახდის სრულ თანხას დაგიბრუნებთ, მიზეზის მითითების გარეშე. დაბრუნების შემდეგ შესაბამისი პერიოდი უქმდება და გამოწერა წყდება.

4. 14 დღის შემდეგ

14 დღის გასვლის შემდეგ მიმდინარე პერიოდის თანხა არ ბრუნდება; შეგიძლიათ გამოწერა გააუქმოთ, რათა შემდეგი გადახდა აღარ ჩამოიჭრას.

5. შეცდომით ჩამოჭრილი თანხა

ორჯერ ან შეცდომით ჩამოჭრილი თანხა, ასევე თანხა იმ პერიოდისთვის, როცა მომსახურება ჩვენი მიზეზით ვერ მიიღეთ, ყოველთვის სრულად ბრუნდება — ვადის მიუხედავად.

6. როგორ მოვითხოვოთ

• მოგვწერეთ [email protected]-ზე იმ ელფოსტიდან, რომლითაც ანგარიში გაქვთ;
• მიუთითეთ გადახდის თარიღი და თანხა; ორგანიზაციის გეგმაზე — ორგანიზაციის დასახელებაც (მოთხოვნა უნდა გამოგზავნოს მფლობელმა);
• მოთხოვნას ვპასუხობთ 3 სამუშაო დღის განმავლობაში. დამტკიცებული თანხა ბრუნდება იმავე ბარათზე Flitt-ის მეშვეობით; ანგარიშზე ასახვას, ბანკის მიხედვით, ჩვეულებრივ 5–10 სამუშაო დღე სჭირდება.

7. კანონით მინიჭებული უფლებები

ეს პოლიტიკა არ ზღუდავს მომხმარებლის უფლებებს, რომლებიც საქართველოს კანონმდებლობით გეკუთვნით.